Sağlam qida diyeta deyil, həyat tərzidir.
Sağlam qidalanma sağlam həyat deməkdir. Sağlam yaşamın sirri insanın nə dərəcədə sağlam qidalanması ilə birbaşa əlaqəlidir.
“Sağlam qidalanmaq lazımdır” cümləsini tez-tez ətrafımızda eşidirik. Lakin qəbul etmək lazımdır ki, günümüzdə bu iradə tələb edən mərhələdir. İlk öncə sağlam qidanlanmanın bir mexanika olmadığını, psixoloji və sosial adaptasiya tələb edən mərhələ olduğunu bilməliyik
Araşdırma nəticəsində məlum olub ki, insanın günlük qidası ilə onun ömrü arasında çox sıx bir əlaqə var. Belə ki, təbii qidalanma insanı infarkt, xərçəng və s. kimi xəstəliklərdən qoruya bilir.
Təbii üsulla yetişdirilmiş məhsullara üstünlük vermək lazımdır. Süni şəraitdə yetişdirilən və konservləşdirilmiş qidalar vitamin və minerallar baxımından çox kasad olur, orqanizm üçün təhlükə mənbəyinə çevrilir. Hər bir insanın gündəlik qida rasionunda meyvə və tərəvəzdən istifadə etmək vərdişi olmalıdır. Lakin hər meyvə və tərəvəz öz mövsümündə yeyilməlidir